Enter Media

 एजेन्सी– सुशान्त सिंह राजपूतको केसमा नारकोटिक्स कन्ट्रोल ब्यूरोले ड्रग्स एंगल जाँच गर्दै रिया चक्रवर्तीलाई पक्राउ गरेको छ ।

उनलाई मंगलबार एनसिपीको टोलीले पक्राउ गरेको भारतीय टिभी जी न्युजले जनाएको छ । रिया पक्राउ परेपछि अंकिता लोखन्डेले एक पोस्ट सेयर गर्दै ‘न्याय’ लेखेकी छन् । उक्त पोस्टमा लेखिएको छ, ‘संयोग या भाग्यले केहि हुँदैन । तपाईको कर्मबाट आफ्नो भाग्य बन्छ ।

भारतीय मिडिया अनुसार, रियाले सुशान्तलाई लागु औषध दिएको आरोपमा पक्राउ गरिएको हो । लगातार सोधपुछपछि उनले ड्रग्स सेवन गर्ने गरेको स्वीकार गरेकी छन् ।

 एजेन्सी– साउथ इण्डियन (तेलुगू) फिल्म इन्डस्ट्रीका चर्चित कलाकार जयप्रकाश रेड्डीको ७४ वर्षमा निधन भएको छ । उनको मंगलबार बिहान हृदयघातबाट निधन भएको हो ।

उनको निधनमा आन्ध्र प्रदेशका पूर्वमुख्यमन्त्री चन्द्रबाबु नायडुले शोक व्यक्त गरेका छन् । साउथ स्टार महेश बाबु, प्रकाश राज, जुनियर एनटिआर लगायत कलाकारले पनि शोक व्यक्त गरेका छन् ।

जयप्रकाश रेड्डीले फिल्म ’ब्रह्मपुत्रुडु’ बाट सन् १९८८ मा फिल्मी करियर सुरुवात गरेका थिए । त्यसअघि उनी प्रहरी सेवामा सब इन्सपेक्टर पदमा कार्यरत थिए । उनले सय भन्दा बढि फिल्ममा काम गरिसकेका छन् । उनले पछिल्लो समय सन् २०२० मा प्रदर्शनमा आएको महेश बाबुको फिल्म ‘सारिलेरु नीकेभवारु’मा अभिनय गरेका थिए ।

 काठमाडौँ। चलचित्र ‘प्रेम गीत ३’का निर्देशक छेतन गुरुङको निधन भएको छ । मंगलबार राति मेट्रो हस्पिटल महाराजगंजमा उनको निधन भएको हो । लिभरमा समस्या भएका छेतेन २ दिनअघि हस्पिटल भर्ना भएका थिए । उपचारको क्रममा नै उनको निधन भएको ‘प्रेम गीत’ निर्माता सन्तोष सेनले जानकारी दिए ।

‘नोभेम्बर रेन, क्लासिक, ए मेरो हजुर ३’ जस्ता सफल चलचित्र लेखेका छेतनले ‘डम्बरुको डन्डिबियो’बाट निर्देशनमा हात हालेका थिए । उनको लेखन तथा निर्देशनमा रहेको चलचित्र ‘प्रेम गीत ३’ कोरोनाका कारण प्रदर्शन रोकिएको छ हुन । हाल छेतन प्रेम गीत टिमसँगै मिलेर ‘हुतुतु’ नामक चलचित्र निर्देशनको तयारीमा थिए । हाल चलचित्रको स्कृप्ट काम भइरहेको थियो ।