भष्मे डन प्रेममा परेका छन्
हाल सम्म यो सिनेमाका दुई गीत सार्वजनिक भएका छन् । ‘दुई चुल्ठी बाट न’ र ‘प्रेम शरणम्’ । दुबै गीतमा बिपिन युवतिको प्रेममा लट्ठ भएको देख्न सकिन्छ । अघिल्लो पटक आँचल शर्मा संग पिरती साटेको इम्याजिन गरेका बिपिन यस पटक स्वस्तिमालाई आफ्नी मनकी रानी मान्दै छन् । यसो नियाल्ने हो भने ‘भष्मे डन’को लभर ब्वाई क्यारेक्टर पो सिनेमामा देखिन्छ कि भन्ने भान हुन्छ ।
र्यापको समिश्रण रहेको सिनेमाको ‘प्रेम शरणम्’ गीतमा कृष्ण भारद्धाजको संगीत तथा सुशिल पौडेल र संगीतकार भारद्धाजको शब्द रचना रहेको छ । गीतमा काली प्रसाद बास्कोटा र स्वस्तिका ढकालको स्वर सुन्न सकिन्छ । प्रविन सिंहको कोरियोग्राफी र निरज कँडेलको डिओपी रहेको गीतको अडियो र भिडियो उत्कृष्ट लाग्छ । साथै, सार्वजनिक गीतमा संगीतकार भारद्धाज आफैले र्यापमा स्वर समेत भरेका छन् ।
