Enter Media

 १३ वर्षीया बालिका कञ्चनपुरकी निर्मला पन्तको बलात्कारपछि भएको हत्याको विषयमा निर्माण गरिएको  फिल्म ‘कोपिला’ डिसहोम मार्फत रिलीज हुने भएको छ । कोरोना भाईरसका कारण फिल्म हलहरु ठप्प भएपछि यतिबेला फिल्महरु रिलीज भएका छैनन् । हलमा रिलीज नभएपछि  डिसहोम मार्फत यो फिल्म रिलीज हुन लागेको हो ।


बैशाख ३० गतेबाट च्यानल नम्बर १०८ मार्फत हेर्न सकिने उक्त फिल्म दैनिक ८ शो प्रदर्शन हुने बताइएको छ । फिल्मले यसअघि हेटौडामा भएको बिशेष शो मार्फत आएको रकमबाट स्व. निर्मला पन्तको परिबारलाई ५० हजार सहयोग समेत गरीसकेको निर्माता मणिराज गौतमले बताए । साथै फिल्म प्रर्दशनबाट आएको रकमबाट दश प्रतिशत स्व. पन्तको परिवारलाई प्रदान गरिने उनले बताए
गणेश गिरिको प्रस्तुति रहेको कोपिलालाई संचारकर्मी मणिराज गौतमले निर्माण गरेका हुन् भने चलचित्रको कार्यकारी निर्मातामा सुवास काफ्ले तथा निर्मातामा समिर मिया र रामेश्वर कार्की समेत रहेका छन् । फिल्ममा रामेश्वर कार्कीको छांयाकन, समिर मियाको सम्पादन र दीपक शर्माको संगीत रहेको छ । चलचित्रमा सरिता गिरी, गणेश गिरी र सन्जिवनी खरेलसँगै प्रकृति खरेल, ऋद्धिचरण श्रेष्ठ, विमल पौडेल, पुष्प आचार्य, सुशान्त श्रेष्ठ, अस्मिन घिमिरे, अस्मिता जुरेली, प्रतिक्षा खड्का, राखी क्षेत्री लगायतको अभिनय रहेको छ ।

कोरोना भाइरस संक्रमण रोकथामका लागि सरकारले गत चैत ११ गतेदेखि देशभर लकडाउन घोषणा गरेको छ।


तर काठमाडौंको आजको दृष्यले लकडाउन हटिसकेको हो कि भन्ने महसुश हुन्छ । काठमाडौंका सडकमा गाडीहरुको ताँती लागेको छ । आइबार बिहान कार्यालय समय सुरु हुने बेला सुन्धारा क्षेत्रमा गाडीहरुको लामो जाम थियो ।


सरकारले भने लकडाउनको अवधि लम्बाउँदै जेठ ५ गतेसम्म पुर्‍याएको छ । आइतबारदेखि काठमाडौं उपत्यकामा सवारी साधन चलाउन टाइम कार्ड लागु गरेको छ ।

तीन खानको प्रभुत्व सधैं बलिउडमा देखिन्छ । तर बलिउड अभिनेत्रीहरू इन्टरनेटमा तीन खान ओझेलमा परेको देखिन्छ । एउटा अनुसन्धानमा यो कुरा पत्ता लागेको छ कि प्रियंका चोपडा र सनी लियोनको इन्टरनेटमा सब भन्दा बडी खोजिएको देखिन्छ ।

श्रमिकको पीडा बोकेको सर्ट फिल्म ‘मे वान’ मे दिवसको अवसर पारेर गत शुक्रबार सार्वजनिक गरिएको हो । यो सर्ट फिल्ममा कोरोना भाइरसको संक्रमणबाट जोगिनका लागि सरकारले लागु गरेको लकडाउनका समयमा मारमा परेका श्रमिकहरुको कथा समावेश छ । साथै मजदुरको पीडा उठाउने सञ्चारकर्मी नै पीडामा रहेको फिल्मले देखाउँछ ।

पुरुषोत्तम बस्नेतको निर्देशन रहेको सर्ट फिल्ममा सञ्चारकर्मी दीपज्योति थापा, अनितजंग पाण्डे, बिराज दुलाल र भोला सुवेदीको अभिनय रहेको छ । फिल्मको कास्टिङ डाइरेक्टर बसन्त अधिकारी हुन् । कपिल खड्का र भोला सुवेदीको छायांकन रहेको ‘मे वान’ मा अनिल कुमार महर्जनको सम्पादन रहेको छ ।

‘झ्यानकुटी’फिल्म युटुव ट्रेन्डिङको शिर्ष स्थानमा बसिरहेको छ । सौगात मल्ल र बेनिशा हमालको मुख्य भूमिका रहेको फिल्मलाई हालसम्म ३३ लाख भन्दा बढीले हेरेका छन् ।


सिमोस सुनुवारको निर्देशनमा बनेको ‘झ्यानाकुटी’लाई युटुवमा हेर्ने दर्शकले चाहिं कस्तो प्रतिक्रिया दिएका छन् त ? तीन हजार सात सय भन्दा बढीले दिएको प्रतिक्रयामा अधिकाशं जसो सकारात्मक छन् ।

निर्मात्री निशा अधिकारी मल्लले सकारात्मक प्रतिक्रया दिने दर्शकलाई धन्यवाद दिएकी छिन् । निर्देशक सुनुवार र निशा मिलेर ‘झ्यानाकुटी’ बनाएका हुन् ।

कलाकार विल्सन विक्रम राईले लकडाउनमा वितरण भैरहेको राहतलाई व्यांग्य गरी भिडियो बनाएका हुन । करिब २५ मिनेट लामो भिडियोमा विल्सन आफैंले तीन वटा भूमिका निभाएका छन् भने अन्य केही स्थानिय कलाकारलाई भिडियोमा अभिनय गराएका छन् ।


कलाकार राई यतिबेला झापा घरमा छन् । लकडाउनमा घरमै बस्दा विल्सनले यो भिडियो बनाएका हुन ।